Psalms 146
1TOPA phat un. ▼▼ 1 Hebrew ah Hallelu Yah; tg.10 ah zong
Ka hinna aw, TOPA phat in.
2 Ka nuntakna khempeuhin TOPA ka phat ding hi; b
ka nuntak laiteng ka Pasian phatna ka sa ding hi. c
3 Kuamah a hon thei lo kumpitapate, d
a si mihingte muang kei in. e
4 Amaute kha a paikhiat ciangin lei ah ciah kik uh a; f
tua ni mah in amaute ngimna bangmah suak lo hi. g
5 Ama huhpa-a Jacob Pasian a nei mi,
a lametna ama Pasian, TOPA ah a nga mi thupha ngah ahi hi. h
6 Amah leitung le vantung,
tuipi le a sunga om peuhmah a Bawlpa - i
tua TOPA a tawntungin muanhuai den hi. j
7 Amah in a kinengniamte’ thu lenkip-a, k
a gilkialte an a pia hi. l
TOPA in thongkiate khahkhia in,
8 TOPA in mittawte khua musak a, m
TOPA in a kunsukte phongto in n
TOPA in a thumaante a it hi. o
9 TOPA in pemtate cinga, p
pa nei lote le meigongte vakin q
migilote lampi ahileh a maimangsak hi.
10 TOPA in uk tawntung a,
Zion aw, na Pasian in khang tawntungin uk hi. r
TOPA phat un.
Copyright information for
ZomZIV